قصة العشق الجميل

موضوع: قصة العشق الجميل الأحد 15 مارس 2009, 3:15 pm

على كف الغرام اللي .. سكت في لحظة التوديع
على درب الفراق .. ودمعة المحروم وآهاته

جلست اجمع فرح عمر ... وسنين ٍ ما لها تجميع
واقول الله على غالي .. تبي تبعد مسافاته

انا كيف اتركه يرحل .؟. واهيم برحلة التلويع
وكيف اترك وليف ٍ لي ... وكيف أثني قناعاته

وانا ما ظن ّ لي قلب ٍ ... على هم الفراق ايطيع
وانا ماظن ّ به قلب ٍ .... يعييييش ابدون نبضاته

اروح اعاتبه .؟ وألا .. اعيش بواقع الترويع
وانا وشلون اعاتب .؟ والعيون اتشوف دمعاته .؟

انا اشهد لحظة الفرقى .... بها كل العلوم اتضيع
يتوه الهرج له نوبه ... و نوب اتموت كلماته

ذهول ٍ مع سكوت ٍ مع دموع ٍ ما تبي ترجيع
معاهن حرقة ٍ تصرخ ... تدكّ الصمت و اسكاته

تعال اطلق عنان الدمع ... دام بدمعنا تمتيع
مدام الوقت ظالمنا ...؟ فلا تغريك ضحكاته

هموم ٍ جالت بصدرري ... تقطّع بالأمل تقطيع
وانا هالوقت يصدمني .... تضيّعني متاهاته

ترى هالخوف والريْبه ... حشا ما هيب للتوديع
اخاف إن سافر الغالي " تسوق اخطاي خطواته "

لحظه لحظه ..

لا ~ تروووووح

باقي في صمتي كلام

و باقي في قلبي ~ جرووووح

على درب الظلام امشي و اقول : الله يسهّلها
و انا مدري على وين السنين اتسوق خطواتي

وحيد .. وشايل ٍ هم الدروب اللي مقابلها
وتايه والزمن ظالم .. و اضم ّ الخوف في ذاتي

دروب ٍ كلّها اشباه و لا ادري كيف اكمّلها
اخاف امشي بدرب الموت ..واترك درب منجاتي

صبرت و ياااا صبر ايوب .. عسى ربّك يجمّلها
اتوه و ما اشوف ألا .. متاهاتي .. متاهاتي

يقولون الفرج ياتي .. إلى ضاقت مداهلها
و انا فيني يضيق الكون .. وماشوف الفرج ياتي

ألا يا دربي الموحش .. عسى منته مطوّلها ..؟
خذ ما تشتهي و ارحل .. و ارحم جمرة آهاتي

مشيتك و الليالي سود .. عوج ٍ ما تحمّلها
غرقت بمركب احلامي .. و احسب إن الهوى مواتي

هدّيت الذي ماانهد ّ و جبت آخرها فاوّلها
اشفق لعنبو جد الدروب و ريحها العاتي

تبي تكسر ظهر رجل ٍ .. فعوله ما توصّلها.؟
تبطي يا زمن تبطي .. ولو طالت مسافاتي

الى منّك كسرت الحلم .. يجيك العلم و ازهلها
قسم باللي له نصلّي .. لا اشوف آخر نهاياتي

انا مانيب حي الله ... و افهمها و حلّلها
انا رجل ٍ خفا يمناه ...يهل ّ الجود بسكاتي ...!

رجل ٍ لو قسى حاله .. يمينه ما يجادلها
رجل ٍ عاصي ٍ قلبه .. و اهينك بابتساماتي

عشت بعالم ٍ كلّه .. وحوش ٍ مات عاقلها
رضيت بقسمة الوالي و تعجبني معاناتي

والى من جتني الفرحه .. على دربي بغازلها
عساها تجبر المكسور .. واعلمها حكاياتي

أبمشي والحياه احزان و اسايرها و احايلها
و ابترك ( سالفة عمري ) تمخطر وسط أبياتي

وانا يا درب ما عشت الحياه بشين مايلها
إلا في رجا من قال : تصبّر و الفرج ياتي

» قصة العشق الفظيع