حصريا كيفيه التعامل مع SQL Server2005 (اعداد على شبكه النت)

مقدمه
اخوانى الكرام ......
كثرت الاسئله عن كيفيه اعداد داتا بيز يستطيع من خلالها مستخدمى البرنامج ان يتصلوا بالداتا بيز فى وقت واحد حتى اذا كان البرنامج موجود فى بلد والداتا بيز موجوده فى بلد اخرى
فى موضوعنا هذا سوف نتعلم كيف كيفيه تطبيق هذه الفكره على برنامج
SQL Server 2005 Express

انظروا الى هذه الصوره هذا ما نريد ان نتوصل اليه

هذا الشكل يوضح ان الدتا بيز غير موجود على كل جهاز يمتلك البرنامج ولكن الداتابيز موجود فى مكان اخر والاجهزه الموجود عليه البرنامج سواء داخل الشبكه او خارجها يمكنها الاتصال بالسيرفر والحصول على الداتا المطلوبه من البرنامج ولكن مهلا يوجد بعض التجهيزات والمتطلبات لكى نحصل على تطبيق هذا

1. يجب تحميل برنامج SQL Server 2005 Express Edition

حمل من هنا

2.نحتاج ايضا برنامج SQL Server Management Studio Express
ويمكننا تحميله مجانا
اضغط هنا

بعد انتهاء التحميل

يجيب تثبيت الاتى :
اولا:
1.SQL Server 2005 Express Edition
ثانيا :
SQL Server Management Studio Express

وتثبيت فى غايه السهوله ولا يحتاج لشرح احنا ناس مبرمجين واكيد هانعرف نتعامل مع تثبيت البرنامجين بكل سهوله وفعلا هما مش محتاجين لشرح والى وقفت معاه حاجه او محتاج استفسار عن الطريقه انا موجود انشاءالله فى المتابعه

-----------------------------------------------------------
الشرح

ندخل فى المهم احنا ان شاء الله هانشرح ونتناقش مع بعض فى ثلاث حالات بالنسبه للداتا بيز :

1-اذا كانت الداتا بيز موجوده على جهاز واحد والبرنامج ايضا مستخدم على نفس الجهاز فقط
2-اذا كانت الداتا بيز موجود على جهاز واحد فى الشبكه الداخليه والبرنامج موجود على اكثر من جهاز على الشبكه الدخليه
3-اذا كانت الداتا بيز موجوده على جهاز فى اى مكان والبرامج الى هاتتصل بيها موجوده بعيدا عنها فى مكان اخر

نبتدى نتكلم على اول حاله لدينا وهي :-
1-اذا كانت الداتا بيز موجوده على جهاز واحد والبرنامج ايضا مستخدم على نفس الجهاز فقط

1- بعد تثبيت البرنامجين (SQL Server 2005 Express Edition و SQL Server Management Studio Express)

افتح برنامج SQL Server Management Studio Express

2- بعد فتح البرنامج سوف يظهر الأتى:-

كما يوضح الشكل اسم السيرفر الى هوه اكيد اسم جهازك وايضا فى المربع الى تحتيه نوع السماح بالدخول سواء هوه كان بيوزر نيم وباسوورد او الدخول برمز دخولك على النظام ( الويندوز)

بعد الضغط على كونيكت علشان تقدر تدخل على الدتا بيز سوف نرى الشكل التالى

يوضح الشكل التالى اسم السيرفر ونوع Database Engine المستخدمه
من الناحيه الاخرى نجد تصفح للداتا بيز الموجود وممكن طبعا ماتكونش داتا بيز واحده ممكن تكون اكتر من داتا بيز موجود على SQL واحد تعالوا نتصفح داتا بيز موجود على هذا السيرفر

كما نرى ضغط على داتا بيز ثم ظهر لى الداتا بيز الموجوده على نفس السيرفر ثم اخترت داتا بيز بأسم (AMD ) ثم ضغط على Tables علشان اقدر اشوف ما هيه الجداول الموجوده داخل الداتا بيز (AMD ) واقدر التعامل مع الجداول هذه مثل برنامج الاكسيس والفرق اختلافات صغيره على العموم مش هوه ده موضعنا دلوقتى انا عايز اتصل بالداتا بيز (AMD ) فى هذا الحاله ماذا ستكون جمله الاتصل فى الفيجوال ستديو 2003/2005/2008 سيكون الكود كالآتى :-

كود:
Data Source=Eldotkor\SQLEXPRESS;Initial Catalog=AMD;Integrated Security=True
دى جمله الاتصال التى تتيح الاتصال من البرنامج الى الدتا بيز الموجوده على نفس جهاز البرنامج
لو لاحظنا ان نوع السماح بالدخول Integrated Security وهوه مفعل عن طريق True

------------------
على ما اظن ان كلنا نعرف هذه الطريقه علشان دى الطريقه المشاعه فى الاتصال بـ SQL عن طريق نفس الجهاز الموجود عليه البرنامج

تعالوا معى نتعرف على ثانى حاله وهي ......

2-اذا كانت الداتا بيز موجود على جهاز واحد فى الشبكه الداخليه والبرنامج موجود على اكثر من جهاز على الشبكه الدخليه

فى هذه الحاله لايكون نوع السماح بالدخول على SQL عن طريق جمله الاتصال هاتكون Integrated Security او عن طريق الـSQL Server Management Studio Express هاتكون
Windows Authentication
سوف يكون نوع السماح بالدخول على SQL بـ Username and Password كما فى الشكل التالى مثال علىSQL Server Management Studio Express :-

يوضح الشكل ان اسم السيرفر ليس اسم الجهاز الموجود عليه البرنامج بارقم IP للجهاز الموجود عليه الSQL server على الشبكه الداخليه وهذا رقم IP لجهاز داخل الشبكه ولكن المختلف عن بقيه الاجهزه انه عليه SQL server وكيد طبعا لو انتا عايز تخلى الجهاز ده ذو مواصفات خاصه يكون احسن لو عندك عدد كبير من مستخدمى البرنامجك المتصل بالداتا بيز
يوضح ايضا الشكل ان نوع الاتصل هايكون SQL Authentication وفى هذا الاختيار سيتم السؤال عن User name And Password سوف اضع هذه المعلومات كما موضح فى الشكل ثم اضغط على كونيكت بعد نجاح عمليه الدخول سوف يظهر هذا الشكل ويوضح تأكيد عمليه الدخول بالبيانات المدخله User name و SQL Server IP

بعد التعرف على هذا المثال الأن كيف يمكننى ان انشاء User name And Password للدخول على داتا بيز معينه موجوده على جهاز SQL server الموجود داخل الشبكه

اتبع الأتى:-

1- انشاء الـUser name and Password اضغط كليك يمين على كلمه Login الموجوده داخل Security

ثم

اتبع الشكل السابق مع مرعاء اختيار الداتا بيز التى تريد عمل هذا الـUser استخدامها

ثم مرحله تحديد صلاحيات هذا المستخدم الجديد User على الداتا بيز المختاره

ثم

بعد الانتهاء من اعداد المستخدم الجديد User اضغط على OK

سوف تلاحظ التالى :-

هذا الشكل يوضح نجاح انشاء مستخدم جديد على SQL server وعلى الداتا بيز المراد استخدامها من SQL server

بعد الانتهاء تعالوا معى نتعرف على المستخدمين للداتا بيز المختاره
قم بالضغط كليك يمين على الداتا بيز المختاره ثم تابع الشكل التالى :-

ثم لاحظ الاتى :

الان لاحظنا ان المستخدم الجديد فعلا موجود على الداتا بيز التى تم اختيارها عند انشاء المستخدم الجديد User ولكن الآن هل يمكن لبرنامجى الاتصال بالدتا بيز التى تم اختيارها عند انشاء Absba User name وكيف ستكون شكل جمله الاتصال لهذه الداتا بيز ؟
الحل بسيييييييييييييييط جدا

كود:
("Data Source=192.168.0.3;Initial Catalog=HREX;User ID=Absba;Password=123456")
يوضح الكود استخدامِ Absba User name و Password الخاصه به وايضا وضعنا رقم الـIP الخاص بـSQL server الموجود داخل الشبكه بدلا من اسم الجهاز الموجود فى جمله الاتصال فى الحاله الاولى

الآن باقى اخر حاله معنا وهي

3-اذا كانت الداتا بيز موجوده على جهاز فى اى مكان والبرامج الى هاتتصل بيها موجوده بعيدا عنها فى مكان اخر
الكثير يرى هذه الحاله معقده لحد ما ولكن بعد شرح الحالتين السابقين سيكون شرح الحاله الثالثه فى بعض الكلامات البسيطه

نعم صدق او لا تصدق

كل ما عليك هوه شراء رقم Real IP من اى شركه ADSL ثم قم بوضع بيانات هذا ال Real IP على جهاز SQL server وقم بالتعامل كما فى الحاله الثانيه بالظبط وكل ما عليك عند وضع رقم الـIP بدلا من رقم السيرفر الموجود فى الشبكه الداخليه كما شرحنا قم بـادخال هذه المره رقم ـ Real IP
ثم غير جمله الاتصال باداتا بيز كما فى الشكل التالى :-

كود:
("Data Source=180.60.30.55;Initial Catalog=HREX;User ID=Absba;Password=123456")

وبعد ذالك تقدر تتصل بادتا بيز فى اى مكان فى العالم سواء بال الـSQL Server Management Studio Express او بالبرانامج الى انتا صنعه

فى نهايه الموضوع احب ان اشكركم على الاطلاع واحب ان انوه ان صور الموضوع غير محميه مثل طبع اسمى عليها وغير ذالك فا ان هدفى الوحيد هوه المعرفه اى كان الزائر من المنتدى او خارجه
المهم المعرفه فا انى لا ابالى من حقوق الملكيه لمعلومات اعطاها الله لى ولكن هل من اجنبى يضع اسمه على صوره فى اى شرح فى اى منتدى اجنبى الاجابه ( لا طبعا )
اذا اردت اقتباس الصور وفتح موضوع اخر اكبر من هذا لك هذا مع كل تحياتى المهم انتشار العلم

تقبلوا تحياتى اخوانى الكرام ولا تنسونى فى الدعاء

» ازياء كاجوال للمحجبات روعة حصريا